మార్కండేయుని కాపాడుటకై

(మార్కండేయ రక్షణ కీర్తన)

మార్కండేయుని కాపాడుటకై - ఒకే ఒకే ఒక్క కాలితన్నుతో
కాలునె కూలదోసినాడె - కాలకాలాయ నమో హరహర! (పల్లవి)

1.శివ శివ భవ భవ హర హర శంభో - పాహిపాహియని శిశువాక్రందించ |
పటపట లింగము పగిలిపోవగా - ఎర్రని అగ్నుల మెరుపులు ఎగిరెను.  ||

2. పటపట కొరికెను దంతములుగ్రుడు - కన్నుల నిప్పుల వర్షము కురియగ |
ఎంత పొగరురా నీకని అరచెను - గదిమి గర్జించె గుడ్లనురిమెనే ||

3. ‘సావిత్రి పొగడ నిన్ను నిచ్చితివె - పతియసువులను విధి యేమాయెను |
నన్ను పొగడు శిశివందు విధినిష్ఠ? – ధర్మరాజు’ వని ఆక్షేపించెను ||

4. కాలి చుట్టుకొను కాలసర్పమదె - బుసలను కొట్టుచు ముందుకు వంగగ |
యముని వక్షమున పదఘాతమాయె - పాహి పాహియని సురలు మొరపెట్ట ||