Posted on: 19 Oct 2022
[Translated by devotees]
[ശ്രീ ഹ്രുഷികേശ് ചോദിച്ചു: ദൈവത്തോടുള്ള പ്രാർത്ഥനകളെല്ലാം ഫലം കാംക്ഷിക്കാതെയായിരിക്കണമെന്ന് അങ്ങ് വ്യക്തമായി വിശദീകരിച്ചു. എന്നിരുന്നാലും, ശ്രീമതി ലക്ഷ്മി ലാവണ്യ കെ ചോദിച്ച സമാനമായ ചോദ്യത്തിന് അങ്ങ് നൽകിയ ഒരു ഉത്തരത്തിൽ, ആത്മീയ ലൈനുമായി സഹകരിക്കാൻ ലൗകിക ജീവിതവും പ്രധാനമാണെന്ന് അങ്ങ് പറഞ്ഞു. ആത്മീയ ജീവിതത്തെ സഹായിക്കുന്ന അടിസ്ഥാന സൌകര്യങ്ങൾ ദൈവത്തോട് ചോദിക്കുന്നത് ന്യായമാണെന്നാണോ അതിൻറെ അർത്ഥം? എൻറെ ധാരണ ശരിയാണെങ്കിൽ ദയവായി എന്നെ തിരുത്താമോ? ആത്മീയ ജീവിതത്തിനു സഹായകമാകുന്ന ലൌകിക ജീവിതത്തെ ദൈവം കരുതുന്നില്ലേ? അടിസ്ഥാനകാര്യങ്ങൾ ചോദിക്കേണ്ട ആവശ്യം എന്താണ്? ദൈവത്തോട് പ്രത്യേകം ചോദിക്കേണ്ട ആവശ്യമുണ്ടോ? ഇതു് ദൈവം സ്വതവേ ഉറപ്പാക്കുന്നതല്ലേ]
സ്വാമി മറുപടി പറഞ്ഞു: ലൗകിക ജീവിതത്തിന്റെ അടിസ്ഥാന സൗകര്യങ്ങൾക്കായി ദൈവത്തോട് യാചിക്കുന്നതിൽ എന്താണ് ദോഷം? നിങ്ങളുടെ അഹംഭാവം ദൈവത്തിൽ നിന്ന് അത്തരം കാര്യങ്ങൾ ചോദിക്കാൻ തടയുന്നുവെങ്കിൽ, ദൈവം അത് ഇഷ്ടപ്പെടുന്നില്ല, കാരണം അവനോട് നിങ്ങൾ യാചിച്ചാൽ അഹംഭാവത്തിന്റെ അഭാവമാണ് അത് കാണിക്കുന്നത് അതിനാൽ ദൈവത്തിന് സന്തോഷം തോന്നുന്നു. സുദാമ (Sudama) ഭഗവാൻ കൃഷ്ണനോട് യാചിച്ചില്ല. പക്ഷേ, യഥാർത്ഥ ദൈവഭക്തിയുടെ പാരമ്യത്തിലെത്തിയ സുദാമ അസാധാരണമായ ദൈവഭക്തനാണ്. ആ തലത്തിൽ, ഒന്നും ചോദിക്കാതിരിക്കുന്നത് അഹംഭാവമല്ല, മറിച്ച് ദൈവത്തിൽ നിന്ന് ആവശ്യപ്പെടാനുള്ള ലൗകിക ആഗ്രഹത്തിന്റെ അഭാവമാണ്. ഒരു സഹപാഠിയോട് യാചിക്കാതിരിക്കുന്നതിൽ സുദാമ അഹംഭാവിയാണെന്ന് ചില പണ്ഡിതന്മാർ വ്യാഖ്യാനിക്കുന്നു. അത് തികച്ചും തെറ്റാണ്. അതാണ് ആംഗിൾ എങ്കിൽ കൃഷ്ണൻ ഇത്രയധികം അവനെ അനുഗ്രഹിക്കരുതായിരുന്നു.
അഹങ്കാരത്തിന്റെയും അസൂയയുടെയും ഒരു തുമ്പും കൂടാതെ (പ്രത്യേകിച്ച്, ഒരു സഹപാഠിയുടെ കാര്യത്തിൽ ഈഗോ അടിസ്ഥാനമാക്കിയുള്ള അസൂയ കൂടുതൽ സാധ്യമാണ്) സമകാലിക മനുഷ്യാവതാരമായ ഭഗവാൻ കൃഷ്ണനിൽ അദ്ദേഹം വിശ്വസിച്ചു. സമകാലിക മനുഷ്യാവതാരത്തോടുള്ള യഥാർത്ഥ ഭക്തിയുടെ പാരമ്യത്തിലെത്തിയ ഭക്തനാണ് സുദാമാവ്, അഹങ്കാരത്തിലധിഷ്ഠിതമായ അസൂയയുടെ ഒരു തുമ്പും കൂടാതെ. ഇതെല്ലാം നിങ്ങളുടെ ആന്തരിക കോണിനെ ആശ്രയിച്ചിരിക്കുന്നു, അതിനെക്കുറിച്ച് നിങ്ങളാണ് ഏറ്റവും മികച്ച വിധികർത്താവ്. സുദാമയ്ക്ക് അഹന്തയുടെ കോണാണ് ലഭിച്ചത് എന്ന് ഞാൻ പറഞ്ഞപ്പോൾ, അത് ചില പണ്ഡിതന്മാരുടെ വ്യാഖ്യാന കോണിനെ പ്രതിനിധീകരിക്കുന്നു.