ഇന്നത്തെ കഷ്ടപ്പാടുകൾക്ക് കാരണമായ മുൻ ജന്മത്തിലെ പാപം എങ്ങനെ തിരിച്ചറിയാം?

[Translated by devotees]

(15-04-2023 ലെ ദിവ്യ സത്സംഗം: മുംബൈയിൽ നിന്നുള്ള ശ്രീ കുനാൽ ചാറ്റർജി, ശ്രീമതി. സുചന്ദ്ര ചാറ്റർജി, ശ്രീമതി. നോയ്ഷാധ ചാറ്റർജി, എന്നിവരും പ്രൊഫ. ജെ.എസ്.ആർ. പ്രസാദ്, ശ്രീമതി. ത്രൈലോക്യ, ശ്രീമതി. അനിതാ ആർ, മിസ്. ഭാനു സാമിക്യ, ശ്രീ. അഭിരാം, ശ്രീ. ഹ്രുഷികേശ്, പ്രൊഫ. അന്നപൂർണ എന്നിവരുംഈ സത്സംഗത്തിൽ പങ്കെടുത്തു. ശ്രീ ദത്ത സ്വാമിയിൽ നിന്ന് പ്രസരിക്കുന്ന ആത്മീയ ജ്ഞാനത്തിന്റെ മിന്നലുകൾ(flashes of spiritual knowledge radiated from Shri Datta Swami) ഘനീഭവിച്ച രീതിയിൽ താഴെ കൊടുത്തിരിക്കുന്നു.)

ശ്രീമതി അനിത ആർ ചോദിച്ചു: i) ചില ബുദ്ധിമുട്ടുകൾ കാരണം ഞങ്ങൾ കഷ്ടപ്പെടുന്നു, ii) ഈ കഷ്ടപ്പാടിന് കാരണമായ മുൻ ജന്മത്തിലെ പാപം എങ്ങനെ തിരിച്ചറിയാം?

സ്വാമി മറുപടി പറഞ്ഞു:- കഷ്ടപ്പെടുമ്പോൾ ആളുകൾ പറയുന്നു, "മുൻ ജന്മത്തിൽ ഞാൻ ചെയ്ത പാപം എന്താണെന്ന് എനിക്കറിയില്ല, അതിനാൽ ഞാൻ ഇപ്പോൾ അതിന്റെ ഫലം അനുഭവിക്കുന്നു?"

1) കഴിഞ്ഞ ജന്മത്തിലെ പാപം ഇന്ന് ഈ ജന്മത്തിൽ അതിന്റെ ഫലം നൽകുന്നു എന്ന് എങ്ങനെ പറയാൻ പറ്റും? അത് ഈ ജന്മത്തിന്റെ പാപമാകാം, ഏറ്റവും പൊതുവേ, മുൻ ജന്മത്തിലെ പാപങ്ങൾ നരകത്തിലെ മുൻ ജന്മത്തിന്റെ മരണശേഷം ശിക്ഷിക്കപ്പെടും. പൊതുവേ, മുൻ ജന്മങ്ങളിലെ കർമ്മഫലങ്ങൾ കഴിഞ്ഞ ജന്മം അവസാനിച്ചതിന് ശേഷം സ്വർഗ്ഗത്തിലും നരകത്തിലും തീർന്നിരിക്കുന്നു. ഇക്കാരണത്താൽ മാത്രം, സ്വർഗം, നരകം തുടങ്ങിയ ഉപരിലോകങ്ങളെ ‘ഭോഗലോകം’(‘Bhoga Lokas’) എന്നും ഈ ഭൂമിയെ ‘കർമ്മലോകം’(‘Karma Loka’) എന്നും വിളിക്കുന്നു.

ഇതിനർത്ഥം, ഈ ജന്മത്തിന്റെ കർമ്മഫലങ്ങൾ ഈ ജന്മം അവസാനിച്ചതിനുശേഷം തീർന്നിരിക്കുന്നു, അതിനാൽ ആത്മാവ് ഈ കർമ്മലോകത്തിലോ ഭൂമിയിലോ പുതുതായി ജനിക്കുന്നു എന്നാണ്. ഈ കർമ്മലോകം, മുൻ ജന്മങ്ങളുടെ ഫലങ്ങളുടെ ഇടപെടലുകളില്ലാതെ, പുതിയ ആത്മാവിന് അതിന്റെ വിധിയെ കെട്ടിപ്പടുക്കാൻ(build up its destiny) വേണ്ടിയുള്ളതാണ്. ഈ നിയമത്തിന് ഒരു അപവാദം മാത്രമേയുള്ളൂ. അത്തരം അപവാദം തീവ്രമായ സത്കർമങ്ങളുടെയോ തീവ്രമായ ചീത്ത കർമ്മങ്ങളുടെയോ ഫലങ്ങളാണ്. അത്തരം തീവ്രമായ കർമ്മങ്ങളുടെ ഫലം ഈ ജന്മത്തിൽ തന്നെ കഴിയുന്നത്ര നേരത്തെ തന്നെ ആത്മാവ് അഭിമുഖീകരിക്കുന്നു. അങ്ങനെയെങ്കിൽ മുൻ ജന്മങ്ങളിലെ പാപങ്ങൾ ഈ ജന്മത്തിൽ അനുഭവിച്ചറിഞ്ഞു എന്ന് എങ്ങനെ പറയും? ഓരോ പുതിയ ജന്മത്തിനും മുമ്പ്, നരകത്തിലും സ്വർഗ്ഗത്തിലും അക്കൗണ്ട് ക്ലിയർ ചെയ്യപ്പെടുന്നു.

തീർച്ചയായും, ശിക്ഷകൾക്ക് ആത്മാവിനെ ശാശ്വതമായി നവീകരിക്കാൻ കഴിയാത്തതിനാൽ, കർമ്മങ്ങളുടെ ഗുണങ്ങളുടെ വളരെ കുറച്ച് മാത്രമേ അവശേഷിക്കുന്നുള്ളൂ(little trace of qualities of deeds is leftover). ഗുണപരമായി നല്ലതും ചീത്തയുമായ ഗുണങ്ങളുടെ ഒരേ അനുപാതമുള്ള ഈ ചെറിയ അംശം, 'കർമ ശേഷ' (‘Karma Shesha’) എന്ന് വിളിക്കപ്പെടുന്ന, 'പ്രാരാബ്ധ'(‘Praarabdha’) എന്ന് വിളിക്കപ്പെടുന്ന അടുത്ത ജന്മത്തിന് കാരണമാകുന്നു. അതിനാൽ, ഈ ജന്മത്തിൽ ചെയ്ത കർമ്മങ്ങളുടെ ഫലമാണ് നിങ്ങൾക്ക് ലഭിക്കുന്നതെന്നും മുൻ ജന്മങ്ങളിൽ ചെയ്ത കർമ്മങ്ങളുടെ ഫലമല്ലെന്നും വളരെ വ്യക്തമാണ്. പിന്നെ എന്തിനാണ് ഇപ്പോഴത്തെ കഷ്ടപ്പാടുകൾ മുൻ ജന്മങ്ങളിലെ പാപത്തിന്റെ ഫലമാണെന്ന് പറയുന്നത്? ആളുകൾ പറയുന്നത് കള്ളം മാത്രമാണെന്ന് വ്യക്തമാണ്.

എന്താണ് ഇങ്ങനെ ഒരു നുണ പറയാൻ കാരണം? കാരണം, ജനനം മുതൽ ഈ ജന്മത്തിൽ തങ്ങൾ വളരെ ശുദ്ധരാണെന്ന് പൊതു ജനങ്ങളെ ബോധിപ്പിക്കാൻ അവർ ആഗ്രഹിക്കുന്നു, അതിനാൽ, ഏതെങ്കിലും മോശം അന്തരീക്ഷത്തിൽ അവർ ചെയ്തേക്കാവുന്ന മുൻ ജന്മത്തിലെ പാപത്തിന്റെ ഫലമാണ് ഇപ്പോഴത്തെ കഷ്ടപ്പാടുകൾ.  കർമ്മ ശേഷ എന്ന് വിളിക്കപ്പെടുന്ന ഗുണങ്ങളുടെ അനുപാതം അടുത്ത ജന്മത്തിന് മാത്രമേ ഉത്തരവാദിയാകൂ, പുതിയ ശിക്ഷയ്ക്ക് ഉത്തരവാദിയാകാൻ കഴിയില്ല. കാരണം, കർമ്മ ശേഷ  എല്ലായ്പ്പോഴും ഒരു ചെറിയ അംശമാണ്(tiny trace), അതിനു ഒരു ശിക്ഷയും ആകർഷിക്കാൻ കഴിവില്ല.

2) ഇപ്പോഴത്തെ കഷ്ടപ്പാടിന്റെ പാപം എങ്ങനെ തിരിച്ചറിയാം? ഇപ്പോഴത്തെ കഷ്ടപ്പാടിന്റെ സ്വഭാവം മുൻ പാപത്തിന്റെ സ്വഭാവം അറിയാനുള്ള സൂചന എളുപ്പത്തിൽ നൽകും. അത് വളരെ എളുപ്പത്തിൽ അനുമാനിക്കാം. ആരെങ്കിലും നിങ്ങളെ കൊല്ലുമെന്ന് എപ്പോഴും ഭീഷണിപ്പെടുത്തുന്നുണ്ടെന്ന് കരുതുക. മറ്റുള്ളവരെ കൊല്ലുമെന്ന് ഭീഷണിപ്പെടുത്തുന്ന അതേ പാപം നിങ്ങൾ മുമ്പ് ചെയ്തിട്ടുണ്ട് എന്നതാണ് ഈ കഷ്ടപ്പാടിന്റെ കാരണം. നിങ്ങളുടെ പണം ആരെങ്കിലും മോഷ്ടിച്ചാൽ, നിങ്ങൾ മുമ്പ് മറ്റാരുടെയെങ്കിലും പണം മോഷ്ടിച്ചിട്ടുണ്ട്.