ശ്രീ ജയേഷ് പാണ്ഡെയുടെ ചോദ്യങ്ങൾക്ക് സ്വാമി ഉത്തരം നൽകുന്നു

[Translated by devotees]

1. യഥാക്രമം വിഷ്ണു, മാ അന്നപൂർണ, ഇന്ദ്ര ദേവ്, കുബേരൻ എന്നിവരുടെ വർണ്ണങ്ങൾ (varnas) ഏതൊക്കെയാണ്?

[ശ്രീ ജയേഷ് പാണ്ഡെ ചോദിച്ചു: പാദനമസ്കാരം സ്വാമി ജി!]

സ്വാമി മറുപടി പറഞ്ഞു:- ഭഗവാൻ വിഷ്ണുവിന് നല്ലതും ചീത്തയും വേർതിരിച്ചറിയുന്ന ശുദ്ധമായ സത്വഗുണമുണ്ട് (pure Sattvam quality), അമ്മ അന്നപൂർണയ്ക്ക് ശുദ്ധമായ തമസ്സ് ഗുണമുണ്ട് (pure Tamas quality), അത് ഭക്തന്റെ തെറ്റ് കാണാതെ ഭക്ഷണം നൽകാനുള്ള സ്നേഹത്തെ സൂചിപ്പിക്കുന്നു. മറ്റുള്ളവർക്ക് സമ്മിശ്ര ഗുണമുണ്ട് (mixed quality). യഥാർത്ഥ സ്വഭാവം നിറം അല്ലെങ്കിൽ വർണ്ണമാണ്, ചില അനിവാര്യമായ സാഹചര്യങ്ങൾക്കനുസരിച്ച് താൽക്കാലികമായി നേടിയ ഗുണമല്ല (The real nature is the color or Varna and not temporarily acquired natures as per some inevitable situations).

2. വിശ്വാമിത്ര മുനി എങ്ങനെയാണ് ബ്രാഹ്മണനായത്?

സ്വാമി മറുപടി പറഞ്ഞു:- ജാതി ജന്മം കൊണ്ടാണെന്ന (caste by birth) തെറ്റായ ധാരണയിലായിരുന്നു വിശ്വാമിത്രൻ. നീണ്ട തപസ്സുകൊണ്ട്, ജാതി സ്വഭാവവും ഗുണങ്ങളും (nature and qualities) കൊണ്ടാണ് എന്ന് അദ്ദേഹം മനസ്സിലാക്കി. ജാതിയുടെ യഥാർത്ഥ അർത്ഥം മനസ്സിലാക്കിയ അദ്ദേഹം നിമിഷനേരം കൊണ്ട് ബ്രാഹ്മണനായി.

3. ഋഷിമാർ, യോഗികൾ, സിദ്ധന്മാർ തുടങ്ങിയ ആത്മീയതയുടെ വിവിധ വിഭാഗങ്ങളിൽ ഏതെല്ലാം ബ്രാഹ്മണ വിഭാഗത്തിൽ ഉൾപ്പെടുന്നു?

സ്വാമി മറുപടി പറഞ്ഞു:- സമൂഹത്തിൽ യഥാർത്ഥ ആത്മീയ ജ്ഞാനം പ്രചരിപ്പിക്കാൻ താൽപ്പര്യമുള്ള ഏതൊരു ആത്മാവിനെയും യഥാർത്ഥ ബ്രാഹ്മണൻ എന്ന് വിളിക്കുന്നു.

4. എല്ലാ ഒമ്പത് രസങ്ങളിലൂടെയും (Nine rasas) നമുക്ക് ദൈവത്തെ സമീപിക്കാൻ കഴിയുമോ?

സ്വാമി മറുപടി പറഞ്ഞു:- ദൈവത്തോടുള്ള യഥാർത്ഥ സ്നേഹത്തിൽ അധിഷ്ഠിതമായ രസത്തിന്റെ തീവ്രതയാണ് ദൈവത്തെ സമീപിക്കാനുള്ള വഴി ഉണ്ടാക്കുന്നത്.

5. ശങ്കരാചാര്യരുടെ ശിരസ്സ് തന്റെ സാധനയ്ക്ക് വേണ്ടി ബലികഴിക്കാൻ ശ്രമിച്ച വ്യക്തി ശരിയാണോ തെറ്റാണോ?

സ്വാമി മറുപടി പറഞ്ഞു:- ഒരു സന്യാസിയുടെ ശിരസ്സ് ബലിയർപ്പിക്കുന്നത് ചില അത്ഭുത ശക്തികൾ നേടുന്നതിന് വേണ്ടിയായിരുന്നു, ഇത് പൂർണ്ണമായും തെറ്റാണ്.

6. ശ്രീചക്രത്തിന് പുറത്ത് തുടരാൻ കഴിയുമോ?

സ്വാമി മറുപടി പറഞ്ഞു:- അത്തരത്തിലുള്ള, ശ്രീ ചക്രത്തിന് (പണത്തിന്റെ സ്വാധീനം അല്ലെങ്കിൽ ചക്കർ (chakkar) (ആകർഷണത്തിനുള്ള ഹിന്ദി പദം)) പുറത്തുള്ള ഒരാൾ ഭഗവാൻ ദത്ത മാത്രമായിരിക്കും, ഒരു ആത്മാവും അല്ല.

7. അത്ഭുത പ്രവൃത്തികൾ ചെയ്യുന്നതിനുള്ള താക്കോലായി പ്രാണമയ കോശത്തെ പരിഗണിക്കുന്നുണ്ടോ?

സ്വാമി മറുപടി പറഞ്ഞു:- രക്തത്തെ ശുദ്ധീകരിക്കാൻ പുറത്തുനിന്നുള്ള ഓക്സിജൻ ശ്വസിക്കുന്ന സംവിധാനമാണ് പ്രാണമയ കോശം (Pranamaya kosha), കൂടാതെ പ്രത്യേക മസ്തിഷ്ക-നാഡീവ്യവസ്ഥയിൽ (special brain-nervous system) അവബോധമായി (awareness) മാറുന്ന നിഷ്ക്രിയ ഊർജ്ജത്തെ (inert energy) റിലീസ്  (release) ചെയ്യുന്നത് ഓക്സിഡേഷൻ സംവിധാനമാണ്. ഇതല്ലാതെ, ഈ സംവിധാനത്തിന് അത്ഭുത ശക്തികളുമായി യാതൊരു ബന്ധവുമില്ല. അത്ഭുത ശക്തികൾ എപ്പോഴും ദൈവത്തിങ്കൽ ഉണ്ട്, അവന്റെ കൃപയാൽ മാത്രമേ അത് അവനിൽ നിന്ന് ലഭിക്കുകയുള്ളൂ. ശ്വസനത്തിന്റെയും ശക്തിയുടെയും ബന്ധം പ്രചരിപ്പിക്കുന്ന ആളുകൾ ഒന്നുകിൽ അജ്ഞരോ വഞ്ചനകരോ ആണ്.

8. ഒരു ആത്മാവിന്റെ ആദ്യത്തെ മൂന്ന് മായാകോശങ്ങൾ തമ്മിലുള്ള പരസ്പരബന്ധം എന്താണ്?

സ്വാമി മറുപടി പറഞ്ഞു:- ആദ്യത്തെ രണ്ട് കോശങ്ങൾ നിഷ്ക്രിയ ഊർജ്ജത്തിന്റെ (inert energy) ഉൽപാദനവുമായി ബന്ധപ്പെട്ടതാണ്. മൂന്നാമത്തെ കോശം നിർദ്ദിഷ്ട മസ്തിഷ്ക-നാഡീവ്യവസ്ഥയിലെ അവബോധത്തിലേക്ക് (awareness) നിഷ്ക്രിയ ഊർജ്ജത്തെ പരിവർത്തനം ചെയ്യുന്നതുമായി ബന്ധപ്പെട്ടിരിക്കുന്നു. നിഷ്ക്രിയ ഊർജ്ജത്തെ കേവലം ആത്മാവ് (Aatmaa) എന്ന് വിളിക്കുന്നു. സംയോജിത ചിന്തകളുടെ രൂപത്തിലുള്ള അവബോധത്തെ വ്യക്തിഗത ആത്മാവ് (ജീവ, Jiiva) എന്ന് വിളിക്കുന്നു.

9. പ്രജാപതികൾ യഥാക്രമം സൃഷ്ടിച്ച സ്വർഗ്ഗജീവികളും രുദ്ര സൃഷ്ടിച്ച നരകജീവികളും ആയിരുന്നോ?

സ്വാമി മറുപടി പറഞ്ഞു:- പരബ്രഹ്മൻ (Parabrahman) എന്ന് വിളിക്കപ്പെടുന്ന സർവ്വശക്തനായ ഈശ്വരനാണ് ഏതൊരു ജീവിയെയും ഉത്പാദിപ്പിക്കുന്നത്. എല്ലാ ഇന്റർമീഡിയറ്റ് ഉൽപ്പന്നങ്ങളും അവനിൽ നിന്ന് മാത്രം നിർമ്മിക്കപ്പെടുന്നു.

10. ഭൂതങ്ങൾക്കും മാലാഖാമാർക്കും ഇടയിൽ ആത്മീയമായി കൂടുതൽ പരിണമിച്ചവർ ആരാണ്?

[അങ്ങയുടെ പാദങ്ങൾക്ക് താഴെ!]

സ്വാമി മറുപടി പറഞ്ഞു:- തീർച്ചയായും മാലാഖാമാർ; അവരിൽ സത്വഗുണം പ്രബലമാണ് (sattvam quality).