Posted on: 15 Mar 2024
[Translated by devotees of Swami]
[8 മാർച്ച് 2024-ന് ഹൈദരാബാദിൽ നടന്ന മഹാ ശിവ രാത്രി സത്സംഗം]
[മിസ്സ്‌. സ്വാതിക ചോദിച്ചു:- അഗ്നി (അഗ്നിദേവൻ) ഏതൊരു ഭക്തനും സമ്പത്ത് കൊണ്ടുവരുമെന്ന് പറയപ്പെടുന്നു. ഇതിനർത്ഥം യാഗം (അഗ്നി ഹോമം) ചെയ്യുന്നത് സമ്പത്ത് നൽകുമെന്നാണോ?]
സ്വാമി മറുപടി പറഞ്ഞു:- അഗ്നി നിഷ്ക്രിയമാണ്, നിങ്ങൾ നിഷ്ക്രിയമായ അഗ്നിയിൽ നെയ്യ് ഒഴിച്ചാൽ ഒന്നും സംഭവിക്കില്ല, കാരണം അവബോധമില്ലാത്ത (അവർനെസ്സ്) നിഷ്ക്രിയമായ അഗ്നിക്ക് നിങ്ങളുടെ പ്രാർത്ഥനയും നിങ്ങളുടെ ആവശ്യവും ഉൾപ്പെടെ ഒന്നും മനസ്സിലാക്കാൻ കഴിയില്ല. അവബോധവുമായി ബന്ധപ്പെട്ടിരിക്കുന്നതിനാൽ ഒരു വ്യക്തി നിങ്ങളുടെ പ്രശ്നവും പ്രാർത്ഥനയും മനസ്സിലാക്കുന്നു. അവബോധവുമായി ബന്ധപ്പെട്ട ഒരു ജീവിയിലെ വിശപ്പിന് നിങ്ങളുടെ പ്രാർത്ഥനയും ആവശ്യവും മനസ്സിലാക്കാൻ കഴിയും. അതിനാൽ, വിശക്കുന്ന മനുഷ്യൻ വൈശ്വാനരാഗ്നി എന്ന അഗ്നിദേവനാണെന്ന് പറയപ്പെടുന്നു. വിശക്കുന്ന അതിഥി വൈശ്വാനരാഗ്നി അല്ലെങ്കിൽ ദേവതാഗ്നി അല്ലെങ്കിൽ ദിവ്യാഗ്നിയാണെന്ന് വേദം പറയുന്നു. ഗീതയിലും, വിശപ്പ്-അഗ്നി ദൈവമാണെന്ന് പറയുന്നു ( അഹം വൈശ്വാനരോ ഭൂത്വ... ). അതിനാൽ, വിശക്കുന്ന ഒരു ദിവ്യ വ്യക്തി അഗ്നിദേവനാകാം. നിങ്ങൾ വിശക്കുന്ന സദ്ഗുരുവിന് ഭക്ഷണം നൽകിയാൽ, നിങ്ങൾ ദൈവത്തിന് നേരിട്ട് ഭക്ഷണം നൽകുന്നു, കാരണം സദ്ഗുരു ദൈവത്തിൻ്റെ നേരിട്ടുള്ള മനുഷ്യാവതാരമാണ്. ഇത് സ്വാർത്ഥമാണ് (തെറ്റായ അർത്ഥത്തിലല്ല. ഇതിനർത്ഥം നമ്മൾ ഒരു വ്യക്തിയുമായി മാത്രം ബന്ധപ്പെട്ടിരിക്കുന്നു എന്നാണ്.) ആനന്ദം കൂടാതെ സ്വാർത്ഥതയില്ലാത്ത ആനന്ദവും ഉണ്ടാകാം, ഇത് മകനെ പോറ്റുന്നതിൽ പിതാവിൻ്റെ സന്തോഷമാണ്. ദരിദ്രനായ യാചകൻ ദൈവത്തിൻ്റെ ഏറ്റവും പ്രിയപ്പെട്ട പുത്രനാണ്. നിങ്ങൾ അവനു ഭക്ഷണം നൽകുകയും അവൻ്റെ ജീവൻ രക്ഷിക്കുകയും വേണം. ഈ സാഹചര്യത്തിൽ, സ്വീകർത്താവിൻ്റെ യോഗ്യത നിങ്ങൾ വിശകലനം ചെയ്യേണ്ടതില്ല. യാചകൻ നിരീശ്വരവാദിയാണെങ്കിൽ പോലും, നിങ്ങൾ അവന് ഭക്ഷണം നൽകണം, കാരണം നിരീശ്വരവാദിക്ക് അവൻ്റെ ജീവൻ രക്ഷിക്കപ്പെടുമ്പോൾ ഒരു ഈശ്വര വിശ്വാസിയാകാൻ അവസരമുണ്ട്. യാചകർക്ക് ഭക്ഷണവും പാർപ്പിടവും തുണിയും മരുന്നും നൽകുന്നതിനായി ഭിക്ഷാടന ഭവനങ്ങൾ നിർമ്മിക്കുന്നതിൽ സർക്കാരും സമ്പന്നരും ശ്രദ്ധ കേന്ദ്രീകരിക്കണം. ഏറ്റവും താഴെയുള്ള ദരിദ്രരെ കവർ ചെയ്ത ശേഷം, നിങ്ങൾക്ക് സമൂഹത്തിലെ ദരിദ്രരും അതിലും ദരിദ്രരുമായ പാളികളിൽ ശ്രദ്ധ കേന്ദ്രീകരിക്കാൻ കഴിയും. രാജ്യത്തെ തെരുവുകളിൽ യാചകനെ കാണാതെ നിങ്ങൾക്ക് എല്ലാ ക്ഷേമ പദ്ധതികളും നടപ്പിലാക്കാം എന്നാണ് ഇതിനർത്ഥം.ഏറ്റവും താഴേക്കടിയിലുള്ള അതിദരിദ്ര വിഭാഗത്തെ കവറ് ചെയ്യാതെ വോട്ടിനുവേണ്ടി താരദമ്യേന മാത്രം ദരിദ്രരായ വിഭാഗത്തോട് മാത്രം സർക്കാർ ശ്രദ്ധ കേന്ദ്രീകരിക്കന്നു.