ജ്ഞാന യോഗ കർമ്മ യോഗയുമായി ഓവർലാപ്പ് ചെയ്യുന്നുണ്ടോ?

[Translated by devotees of Swami]

[മിസ്സ്‌. സാത്വിക ചോദിച്ചു: ⁠⁠⁠ജ്ഞാനം പഠിക്കാനും വിശകലനം ചെയ്യാനും സ്വാംശീകരിക്കാനും നമ്മൾ പരിശ്രമിക്കുന്നതിനാൽ, ജ്ഞാനയോഗം കർമ്മയോഗവുമായി ഓവർലാപ്പ് ചെയ്യുന്നുണ്ടോ? സംന്യാസികളുടെ കാര്യത്തിൽ രണ്ടും ഒന്നല്ലേ. വാക്കും മനസ്സും മാത്രമല്ലേ അവർ ഉപയോഗിക്കുന്നത്? അവർ എങ്ങനെയാണ് കർമ്മം ചെയ്യുന്നത്?]

സ്വാമി മറുപടി പറഞ്ഞു:- കർശനമായ അർത്ഥത്തിൽ, എല്ലാ ഇനങ്ങളും എല്ലാ പ്രവർത്തനങ്ങളും കർമ്മയോഗം അല്ലെങ്കിൽ ചലനാത്മകത (ഡയനാമിസം) മാത്രമാണ്. നിങ്ങൾ ഒരു ആറ്റം പോലും എടുക്കുകയാണെങ്കിൽ, ഉപ-ആറ്റോമിക് കണങ്ങൾ ചലനാത്മകമാണ്. അതുപോലെ ചിന്തയും സംസാരവും ചലനാത്മകമാണ്. ഇനങ്ങളുടെയും സൃഷ്ടികളുടെയും അർത്ഥത്തിൽ മുഴുവൻ സൃഷ്ടിയെയും ചലനാത്മകതയോ(ഡയനാമിസം)  പ്രവർത്തനമോ (ആക്ഷൻ) കർമ്മയോഗമോ മാത്രമായി കാണാൻ കഴിയും. പക്ഷേ, നാം ചിലതിനെ സ്റ്റാറ്റിക് എന്നും മറ്റ് ചില കാര്യങ്ങൾ ഡൈനാമിക് എന്നും തരംതിരിക്കുന്നു. ചെയ്യുന്നത് ജോലിയാണ്(വർക്ക്), ചെയ്യുന്നയാളും മുകളിൽ വിശദീകരിച്ചതുപോലെ ആഴത്തിലുള്ള അർത്ഥത്തിൽ പ്രവർത്തിക്കുന്നു. ഈ സാഹചര്യത്തിൽ, ചെയ്യുന്നയാളും ചെയ്യുന്നതും  തമ്മിൽ ഒരു വ്യത്യാസവും നിങ്ങൾ കണ്ടെത്തുകയില്ല. അതിനാൽ, ആഴമേറിയതും മൂർച്ചയുള്ളതുമായ വിശകലനത്തിൽ നിന്ന് നമ്മളെ തന്നെ സ്വയം നിയന്ത്രിക്കേണ്ടതുണ്ട്. എല്ലാ മനുഷ്യരും നിലകൊള്ളുന്ന ഒരു നിശ്ചിത മധ്യനിരയിൽ നിൽക്കുകയും വിശകലനം നടത്തുകയും വേണം. ഈ സാധാരണ തലത്തിൽ, ജ്ഞാനവും ഭക്തിയും സൈദ്ധാന്തികമാണ്, എന്നാൽ പ്രായോഗിക ഭക്തി പ്രായോഗിക പ്രവർത്തനമാണ് (ആക്ഷൻ). ശാസ്ത്രമനുസരിച്ച്, ഈ മുഴുവൻ സൃഷ്ടിയും നിഷ്ക്രിയ ഊർജ്ജമാണ്, അവബോധവും ദ്രവ്യവും അതിൻ്റെ രൂപങ്ങൾ മാത്രമാണ്. ഇതിൻ്റെ അടിസ്ഥാനത്തിൽ നമ്മൾ ദ്രവ്യവും അവബോധവും തിരിച്ചറിയുന്നില്ലേ?