ഗീത കേൾക്കുമ്പോൾ അർജ്ജുനൻ മുക്തി നേടിയ ആത്മാവാണോ?

[Translated by devotees of Swami]

[ശ്രീ കിഷോർ റാമിൻ്റെ ഒരു ചോദ്യം]

സ്വാമി മറുപടി പറഞ്ഞു:- നര മുനിയുടെ അവതാരമാണ് അർജ്ജുനൻ, അദ്ദേഹം സദാ നാരായണനുമായി അടുത്ത ബന്ധം പുലർത്തുന്നു. അത്രി മഹർഷിയുടെ പുത്രനായ ദത്താത്രേയ എപ്പോഴും ഋഷിയായതിനാൽ ദത്താത്രേയ നാരായണനാണ്. ഗീത കേൾക്കുമ്പോൾ അജ്ഞനായ ആത്മാവിൻ്റെ വേഷത്തിലാണ് അർജുനൻ അഭിനയിക്കുന്നത്. ആ വേഷത്തിൽ നടൻ (ആക്ടർ) എന്ന നിലയിൽ, അർജുനൻ ഒരു മുക്തി നേടിയ ആത്മാവാണ്, അവൻ വേഷമനുസരിച്ച് (റോൾ) ഒരു  അജ്ഞനായ ആത്മാവ്  മാത്രമാണ്. അജ്ഞനായ ആത്മാവിൻ്റെ വേഷത്തിൽ അഭിനയിക്കുമ്പോൾ അർജുനൻ, നടൻ എന്ന നിലയിൽ സ്വയം മറന്ന്, നടനല്ല, വേഷമായി മാത്രം ചിന്തിച്ച് റോൾ ചെയ്യുന്നു. നാരായണ മഹർഷി അർജ്ജുനൻ്റെ മേൽ അടിച്ചേൽപ്പിച്ച ദൈവിക മായ (ഡിവൈൻ ഇല്ല്യൂഷൻ) മൂലമാണ് ഇത് സംഭവിക്കുന്നത്. അങ്ങനെയുള്ള സന്ദർഭത്തിൽ മാത്രമേ അജ്ഞനായ ആത്മാവിൻ്റെ എല്ലാ സംശയങ്ങളും അർജ്ജുനന് ചോദിക്കാൻ കഴിയൂ. അർജ്ജുനൻ താൻ ഒരു നടനാണെന്ന് (നര മുനി) അറിയാമെങ്കിൽ, അവന് ഉത്തരം അറിയാവുന്ന ചില ചോദ്യങ്ങൾ അവൻ ചോദിക്കില്ല. അർജ്ജുനൻ ഒരു  അജ്ഞനായ ആത്മാവായി വർത്തിക്കുന്നുണ്ടെങ്കിലും, അവൻ സദാ നാരായണൻ്റെ നിയന്ത്രണത്തിലാണ്, ഒരു സാധാരണ അജ്ഞാനാത്മാവിൻ്റെ തെറ്റുകൾ ചെയ്യില്ല. അനുവദനീയമായ തെറ്റുകൾ മാത്രമേ അവൻ ചെയ്യുകയുള്ളൂ, അത് നിർദ്ദിഷ്ട റോൾ അനുസരിച്ച് തീരുമാനിക്കപ്പെടുന്നു.