സ്വാമി ഒരു ഡോക്ടർക്ക് ജോലി നൽകുന്നു

[Translated by devotees]

[മിസ്സ്‌. ഗീതാ ലഹരി]

പാദനമസ്കാരം സ്വാമി,

എന്റെ ജോലിയുമായി ബന്ധപ്പെട്ട് അടുത്തിടെ സ്വാമി എനിക്ക് നൽകിയ ഒരു അത്ഭുതകരമായ അനുഭവം പങ്കിടാൻ ഞാൻ ആഗ്രഹിക്കുന്നു. സ്വാമിയുടെ അനുഗ്രഹം കൊണ്ട് മാത്രമാണ് ഞാൻ എംബിബിഎസ് (MBBS) കോഴ്സ് പൂർത്തിയാക്കിയത്. മാർച്ച് അഞ്ചിന് ഞാൻ നീറ്റ് പിജി (NEET PG) പ്രവേശന പരീക്ഷ എഴുതിയെങ്കിലും ഫലം പ്രതികൂലമായിരുന്നു. അതിനാൽ, അടുത്തതായി എന്തുചെയ്യണമെന്ന് എന്നെ നയിക്കാൻ ഞാൻ സ്വാമിജിയെ വിളിച്ചു. ജോലിപരിചയം ഏതു ബിരുദത്തേക്കാളും പ്രധാനമായതിനാൽ ജോലിക്ക് അപേക്ഷിക്കാൻ സ്വാമി എന്നോട് പറഞ്ഞു. ജോലിക്ക് അപേക്ഷിക്കണമെന്നായിരുന്നു സ്വാമിയുടെ ആദ്യത്തെയും ഒരേയൊരു നിർദേശം. പക്ഷേ മെയ് ആദ്യവാരം മറ്റൊരു എൻട്രൻസ് പരീക്ഷ ഉണ്ടായിരുന്നു, അതിനായി പഠിക്കാൻ ഞാൻ ആഗ്രഹിച്ചു. അത് വിജയകരമായി ക്രാക്ക് ചെയ്യാൻ (crack) എനിക്ക് വ്യക്തിപരമായി ചില പ്രതീക്ഷകൾ ഉണ്ടായിരുന്നു. അതുകൊണ്ട് വരാനിരിക്കുന്ന പരീക്ഷയ്ക്ക് പഠിക്കണോ എന്ന് ഞാൻ സ്വാമിയോട് ചോദിച്ചു. സ്വാമി നിസ്സാരമായി (casually) പറഞ്ഞു, “ശരി.  ശ്രമിച്ചു നോക്ക്". എന്റെ വ്യക്തിപരമായ ഇഷ്ടം പരീക്ഷയ്ക്ക് പഠിക്കുന്നതായിരുന്നതിനാൽ, സ്വാമിയുടെ ഈ രണ്ടാമത്തെ നിർദ്ദേശം ഞാൻ എടുത്തു, ആദ്യത്തെ നിർദ്ദേശം അവഗണിച്ചു. പരീക്ഷ കഴിഞ്ഞ് ജോലിക്ക് അപേക്ഷിക്കാമെന്ന് ഞാൻ കരുതി. പക്ഷേ, ഏതെങ്കിലും ജോലിക്ക് അപേക്ഷിക്കുന്നതിന് മുമ്പ് തന്നെ, മാന്യമായ ശമ്പളത്തിന് ഡോക്ടറായി ചേരാൻ ഒരു ബന്ധു വഴി എനിക്ക് അവസരം ലഭിച്ചു. പക്ഷെ ഞാൻ അത് അവഗണിച്ചു, അവർക്ക് മറുപടി നൽകിയില്ല. അവിചാരിതമായി, രണ്ടാം പരീക്ഷയിലെ എന്റെ റിസൽറ്റും നല്ലതായിരുന്നില്ല, യഥാസമയം മറുപടി നൽകാത്തതിനാൽ ജോലി സാധ്യതയും നഷ്ടപ്പെട്ടതായി എനിക്കും മനസ്സിലായി. സ്വാമിയുടെ നിർദ്ദേശങ്ങൾ കൃത്യമായി പാലിക്കാത്തതിൽ ഞാൻ ഒരുപാട് പശ്ചാത്തപിച്ചു. സ്വാമിയുടെ നിർദ്ദേശങ്ങൾ ഉടനടി കൃത്യമായി പാലിച്ചില്ലെങ്കിൽ നമുക്ക് വലിയ നഷ്ടമുണ്ടാകുമെന്ന് എനിക്ക് ജീവിതപാഠം ലഭിച്ചു.

എന്നെപ്പോലുള്ള അറിവില്ലാത്ത ആത്മാക്കളെ നേർവഴിക്ക് നയിക്കാനാണ് സ്വാമി ഈ ഭൂമിയിൽ അവതരിച്ചത്, എന്നാൽ ഞാൻ അവിടുത്തെ വാക്കുകളെ അവഗണിക്കുകയും എന്റെ ഇഷ്ടങ്ങളും അനിഷ്ടങ്ങളും പിന്തുടരുകയും ചെയ്തു. ഞാൻ സ്വാമിയെ വീണ്ടും ഫോൺ ചെയ്തു, ജോലിക്ക് അപേക്ഷിക്കാൻ സ്വാമി എന്നോട് കർശനമായി ഉപദേശിച്ചു. ഞാൻ അവിടുത്തെ വാക്കുകൾ അനുസരിച്ചില്ലെങ്കിലും, സ്വാമി എന്നോട് ദേഷ്യമൊന്നും കാണിച്ചില്ല, പക്ഷേ എന്നെ ശരിയായ പാതയിലേക്ക് കൊണ്ടുവരാൻ ശ്രമിച്ചു. ഇത്രയും സഹിഷ്ണുത കാണിക്കുന്ന ഒരാളെ ഞാൻ കണ്ടിട്ടില്ല. വിളിച്ചതിന് ശേഷം, ഞാൻ ആത്മാർത്ഥമായി മെഡിക്കൽ പോസ്റ്റുകൾക്ക് അപേക്ഷിക്കാൻ തുടങ്ങി. പിന്നീട്, ചില സർട്ടിഫിക്കറ്റുകൾ വാങ്ങാൻ ഞാൻ എന്റെ കോളേജിൽ പോയി. പൊതുവേ, ഞാൻ പുറത്തുനിന്നുള്ളവരോട് സംസാരിക്കാറില്ല. എന്നാൽ സ്വാമിയുടെ കൃപയാൽ ഞാൻ വായ തുറന്ന് ആശുപത്രിയിലെ മെഡിക്കൽ സൂപ്രണ്ടിനോട് ഹോസ്പിറ്റലിൽ എന്തെങ്കിലും ജോലി ലഭ്യമാണോ എന്ന് അന്വേഷിച്ചു. നല്ല ക്ലിനിക്കൽ എക്സ്പീരിയൻസ് ലഭിക്കാൻ ഹൈദരാബാദിലോ ബാംഗ്ലൂരിലോ ജോലി ചെയ്യുന്നതാണ് നല്ലതെന്ന് അദ്ദേഹം മറുപടി നൽകി. അപ്പോൾ ഹൈദരാബാദിലെ ഒരു വലിയ ആശുപത്രിയിൽ ഡോക്ടറായി ജോലി ചെയ്യുന്ന തന്റെ പഴയ വിദ്യാർത്ഥിയെ അദ്ദേഹം തന്നെ വിളിച്ചു. അസാധാരണമായ കേസുകൾ പരിഹരിക്കുന്നതിൽ ഈ ആശുപത്രി പ്രശസ്തമാണ്. സൂപ്രണ്ട് എന്റെ പേര് അദ്ദേഹത്തിന് ശുപാർശ ചെയ്യുകയും ഞാൻ ഒരു മിടുക്കിയായ വിദ്യാർത്ഥിയാണെന്ന് അയാളോട് പറയുകയും ചെയ്തു. അഭിമുഖം നീട്ടിക്കൊണ്ടുപോയി ബുദ്ധിമുട്ടിക്കരുതെന്നും ഉടൻ ജോലി തരണമെന്നും അദ്ദേഹം ഡോക്ടറോട് പറഞ്ഞു. എന്റെ സൂപ്രണ്ടിന് എന്നെക്കുറിച്ച് കാര്യമായി ഒന്നും അറിയാത്തതിനാൽ ആ നിമിഷം ഞാൻ നിശബ്ദനായി. അതിശയകരമെന്നു പറയട്ടെ, എനിക്ക് വളരെ പരിചിതമാണെന്ന മട്ടിൽ അദ്ദേഹം ഡോക്ടറോട് സംസാരിച്ചു. ശരിക്കും പറഞ്ഞാൽ, ഞാൻ കോളേജിൽ ഇന്റേൺഷിപ്പ് ചെയ്യുന്ന സമയത്ത് അദ്ദേഹം എന്നെ ഒന്നോ രണ്ടോ തവണ മാത്രമേ കണ്ടിട്ടുളൂ. എന്നോട് സൂപ്രണ്ടിന്റെ ഈ അസാധാരണമായ പെരുമാറ്റം സ്വാമിയുടെ അത്ഭുതമല്ലാതെ മറ്റൊന്നുമല്ലെന്ന് എനിക്ക് മനസ്സിലായി! എന്റെ കഴിവില്ലായ്മ അറിയുന്ന എന്റെ പ്രിയപ്പെട്ട സ്വാമി എന്റെ ഭാഗത്തുനിന്നുള്ള ഒരു ശ്രമവും കൂടാതെ എനിക്ക് മറ്റൊരു അവസരം നൽകി അനുഗ്രഹിച്ചു. ആദ്യ അവസരം ഞാൻ അവഗണിച്ചെങ്കിലും സ്വാമി എന്നോട് ക്ഷമിച്ച് ഇതുപോലെ മറ്റൊരു അവസരം നൽകി. സ്വാമിയുടെ ദയയെ അഭിനന്ദിക്കാൻ എനിക്ക് വാക്കുകളില്ല.

ഞാൻ ഹൈദരാബാദിൽ വന്ന് അടുത്ത പ്രവൃത്തി ദിവസം തന്നെ ഇന്റർവ്യൂവിൽ പങ്കെടുത്തു. അഭിമുഖം നടത്തുന്നയാൾ എന്റെ ഉത്തരങ്ങളിൽ തൃപ്തനായില്ല, പക്ഷേ എന്നെ ഞെട്ടിച്ചുകൊണ്ട്, ശമ്പളത്തെക്കുറിച്ചും ഷിഫ്റ്റ് സമയത്തെക്കുറിച്ചും അദ്ദേഹം വിശദീകരിച്ചു. എനിക്കൊരു ജോലി തരണമെന്നത് സ്വാമിയുടെ ഇഷ്ടമാണെന്നും എനിക്ക് ചുറ്റുമുള്ളവരെല്ലാം അവിടുത്തെ ഇഷ്ടം പ്രകടിപ്പിക്കാൻ അതിനനുസരിച്ച് പെരുമാറുന്നുവെന്നതിന്റെ മറ്റൊരു തെളിവാണിത്. ഇന്റർവ്യൂ കഴിഞ്ഞ് കുറച്ച് ദിവസങ്ങൾക്കുള്ളിൽ ഞാൻ അതേ ഹോസ്പിറ്റലിൽ ജോലി ചെയ്യുന്നത് കണ്ടു. ബന്ധുവിൽ നിന്ന് ലഭിച്ച ആദ്യ അവസരത്തിൽ എനിക്ക് വാഗ്ദാനം ചെയ്ത സാലറിയുടെ പകുതിയാണ് എനിക്ക് ഇവിടെ വാഗ്ദാനം ചെയ്തത്. ഞാൻ അതിനെക്കുറിച്ച് പശ്ചാത്തപിക്കുന്നില്ല, കാരണം ദൈവത്തിന്റെ ആദ്യ നിർദ്ദേശം പാലിക്കാത്തതിനാൽ ഒരു ആത്മാവിന് എന്താണ് നഷ്ടപ്പെടുന്നതെന്ന് ഞാൻ പ്രായോഗികമായി പഠിച്ചു. നമ്മുടെ ആഗ്രഹങ്ങൾ നിറവേറ്റാൻ നമുക്ക് ദൈവവുമായി (സ്വാമി) ചർച്ച നടത്താം, പക്ഷേ അവസാനം, നമ്മുടെ ഇഷ്ടങ്ങളും അനിഷ്ടങ്ങളും പിന്തുടർന്ന് നമ്മൾ മാത്രം കഷ്ടപ്പെടും. ദൈവം നമ്മോട് ആവശ്യപ്പെടുന്നത് അവിടുത്തെ ഇഷ്ടങ്ങൾ നമുക്ക് പ്രയോജനപ്പെടുത്താനാണ്, നാം അവിടുത്തെ അനുഗമിച്ചാൽ അവിടുത്തേക്ക്‌ ഒരു പ്രയോജനവുമില്ല. ദൈവം നമ്മോട് അവിടുത്തെ ഇഷ്ടങ്ങൾ പിന്തുടരാൻ ആവശ്യപ്പെടുന്നു, കാരണം നമ്മുടെ ഇഷ്ടങ്ങൾ പിന്തുടരുന്നതിലൂടെ നാം നമ്മെത്തന്നെ നശിപ്പിക്കും.

യഥാർത്ഥത്തിൽ, ഇന്റർവ്യൂവിന് കുറച്ച് ദിവസം മുമ്പ്, എന്റെ ജാതക പ്രവചനം അനുസരിച്ച് എനിക്ക് ഓഗസ്റ്റ് വരെ ജോലി ലഭിക്കില്ലെന്ന് ഞാൻ മനസ്സിലാക്കി. ഏത് ജാതകവും (horoscope) മാറ്റാൻ കഴിവുള്ള നമ്മുടെ സ്വാമി ദത്ത ദൈവം അല്ലാതെ മറ്റാരുമല്ല. സ്വാമിയുടെ അനന്തമായ ദയയും സ്നേഹവും കൊണ്ട് മാത്രമാണ് ഞാൻ അതിജീവിക്കുന്നത്.

കൂടാതെ, എന്റെ ആദ്യ പരിശീലന ദിനത്തിൽ, രോഗങ്ങളെക്കുറിച്ചുള്ള മൊത്തത്തിലുള്ള വീക്ഷണവും അവയുടെ മാനേജ്മെന്റും സംയോജിതമായി മനസ്സിലാക്കുന്നതിനായി മെഡിക്കൽ ഡിപ്പാർട്ട്മെന്റിന് കീഴിൽ നിയമനം ലഭിക്കാൻ ഞാൻ ആഗ്രഹിച്ചു. ആശുപത്രിയിലെ ഏറ്റവും ദുർഘടമായ വാർഡിൽ പരിശീലനം നൽകി സ്വാമി ആ ആഗ്രഹം പോലും സഫലമാക്കി.

ഈ ചെറിയ ആത്മാവിന്റെ എല്ലാ ആഗ്രഹങ്ങളും നിറവേറ്റിയതിന് നന്ദി സ്വാമി. അവിടുത്തെ സ്നേഹത്തിന് ഞാൻ തീർത്തും അർഹനല്ല, എന്നാൽ എന്നെപ്പോലെയുള്ള ഒരു ആത്മാവിനെ നയിക്കാൻ ബാധ്യസ്ഥനായ അവിടുത്തെ അനന്തമായ ദയയും സങ്കൽപ്പിക്കാനാവാത്ത സ്നേഹവുമാണ്.

നന്ദി, സ്വാമി.            

അവിടുത്തെ ദിവ്യ താമര പാദങ്ങളിൽ,

ഗീത ലഹരി