ప్రపంచ సర్కరోడా

Prapancha Sarkaroda

(శ్రీశ్రీశ్రీ దత్తస్వామివారు రచించిన తెలుగు జానపద గీతం. English translation follows)

(Sung by Ms. Laxmi Thrylokya)

బండెనక బండి కట్టి
పదహారు బండ్లు కట్టి

Cart behind cart arranged
Arranging sixteen carts

నీ గుడికి వస్తం దత్తుడో
ప్రపంచ సర్కరోడా

Will come to Your temple O Datta
The ruler of the world.

బమ్మి వాగు తుమ్మి వాగు
చంద్ర వాగు సంగమాన

Stream of Bammi Stream of Tummi
Stream of Candra at their confluence

నీ గుడికి వస్తం దత్తుడో
ప్రపంచ సర్కరోడా

Will come to Your temple O Datta
The ruler of the world.

ఎత్తిపోతల కొండ మీద
ఎత్తిపోతల కొండ మీద

On the hill of Ettipotala
On the hill of Ettipotala

నీ గుడికి వస్తం దత్తుడో
ప్రపంచ సర్కరోడా.

Will come to Your temple O Datta
The ruler of the world.

శ్రీ దత్తస్వామివారు రచించిన ఈ పాట తెలంగాణా జానపద గీతం 'నైజాము సర్కరోడా' యొక్క రాగములో పాడబడినది. ఎత్తిపోతల కొండ మీద ప్రాచీన దత్తాత్రేయ దేవాలయము ఉన్నది. నిజానికి ‘యతితపఃస్థల’ అన్న పేరు ‘ఎత్తిపోతల’గా ఇప్పుడు పిలువబడుతోంది. యతి అనగా ఋషి. యతితపఃస్థల అనగా ఋషులు తపస్సు చేసే చోటు అని అర్థము. శ్రీ దత్తస్వామి వారు యతితపఃస్థలంలో మూడు రోజుల పాటు నిద్రాహారాలు మాని దత్తుని కోసం తపస్సు చేసినారు. నాలుగవ రోజున దత్తుడు ప్రత్యక్షమయి స్వామివారితో సంభాషించినారు. వారి మధ్య జరిగిన దివ్య సంభాషణ 'శ్రీ దత్తగురు భగవద్గీత' అనే పుస్తకంగా తెలుగులో మరియు ఆంగ్లంలో ప్రచురించబడినది. ఆ కొండ మీద నుండి మూడు వాగులు ప్రవహిస్తూ ఉంటాయి. బమ్మి వాగు బ్రహ్మకు ప్రతీక. తుమ్మి వాగు విష్ణువుకు ప్రతీక. చంద్ర వాగు శివునికి ప్రతీక. తుమ్మ చెట్టు నల్లగా ఉండును కావున విష్ణువుకు ప్రతీక. చంద్రుడు తెల్లగా ఉండును కావున శివునికి ప్రతీక. ‘నైజాము సర్కరోడా’ అనగా నిజాం రాజ్యమును పాలించు ప్రభువు అని అర్థము. అలానే ‘ప్రపంచ సర్కరోడా’ అనగా ప్రపంచమును పాలించు ప్రభువు దత్తుడు అని అర్థము. దత్తుడు త్రిమూర్తులకు మూలము అని తెలుపుతూ ఈ మూడు వాగుల సంగమము వద్దనే దత్తదేవుని గుడి ఉంటుంది. స్వామివారు రచించిన ఈ పాట అన్ని దైవ రూపాలకు మూల విరాడ్రూపమైన దత్తుని పూజించమని భక్తులకు సూచిస్తున్నది. జై శ్రీ దత్తస్వామి!